Kuala Lumpur: Phualpi tuamtuam pan nasemding mi kicin loh buaina a vengsak ding in Special Action Committee ki phuankhia hi.
Tua Committee pen Ministry of Human Resources leh Agency tuamtuam ten makaih hi.
National Recovery Council(MPN) chairman ahi Tan Sri Muhyiddin Yassin in hongpai ding meeting kik ciang MPN tung ah tua committee in report piakna leh gencian na pia ding uhhi.
Tuabek thamlo MPN pan Muhyiddin in Sum lam tawh ki sai in zong Special Action Committee khat phuankhia hi.
Hih committee pen Ministry of Entrepreneur Development and Cooperatives in makaih in MPN tungah report piakna leh gencianna pia ding uhhi.
Hih hang in Company neuneu te nasep ki pan thei in van tampipi thoh khia zotuam dingin um hi ci in tuni statement ah genkhia hi.
Muhyiddin in Van man kahna hang in hongpai ding kha te ah Sumin man aneih nawnlohding, gam ki puahkikna a suk khak ding lau mahmah hi.
Vanman te a khangawp loh nang Kumpi lampan committee khat ki phuan leh hoih sa hi.
Perikatan Nasional chairman a hi Muhyiddin in nisim a kizangden van te a tawm theipenpen azuak “Gerai Prihatin Rakyat” gambup ah omsak sawm hi.
Src: