1928 june 13 in Sengam Chaozhou ah suakhi. primary a kah laitak in galpi nihna hongtunghi. aomna uh khuapen Japan gal vanleng ten bomb khiat pahpah ahih man in HongKong ah vabel uhhi. Hongkong atun zawh asawtloin apan TB natna hangin nusiahi.
Li Ka Shing zong TB lawh ahih man in zato ah atuam vilvel in kepna thuak hi. kum 15 bek apha pan khangno khat adingin a pan nusia, amah zong natna tawh amahbek khankhat ah atuam in kikem cih ngaihsut sak leng khasiat huai mahmahhi. apan nusia ahih manin innkuan kivak nang hamsa tahi. Hih thu teng pen Li ading in thuak hak mahmah dinghi.
Ahihhangin Li in ngaihsutna khat khensat hi. tua in “zawnna pan suakta ding, nasemding, hauding” ahihi.
Zato pan atuah khit ciangin sangzom nawnlo in, innkuan kivak nang Plastic factory ah nasem hi. Akhangual te sangkah hun, kimawl hun sung in aman nasem khahi. nikhat nai16 sung plastic factory ah naikhaute bawl hi.
Li in akhasum atamzaw innkuan kivak nangin zangin, acianlai te pen kholkhinkhian hi. kum 22 aphak ciangin akhutsungah Hongkong $ tul50 neita ahihmanin Cheung Kong ci-in company khat hong phut hi. a company pan plastic tawh akibawl milim, lawh, bung cih bang hong bawlkhia hi.
Sengam aom sung sangsiapi a hi apa ih lamlahna hangin Li in laisim hong ukin laibu tampipi, magazine, journal te hongsimdenhi. Nikhat magazine sunga article khat ah Italy gamah plastic tawh akibawl paakte innzep nangin kikhawng mahmah hi cih simkha ahihmanin ngaihsutna khat hongngahhi.
Tua ngaihsutna in plastic paak tampipi bawlkhia in gamdang ah zuakding cih ahihi. angaihsutna mahbangin plastic paak gamdang atampuak zopen hongsuak in tuapan amet tampipi hongngah hi.
1958 kum in Li in hamsatna khat ongnawkkha hi. tua in a company zumkhan zat pen kikawmtheinawnlo hi. Tua ahihmanin zumkhan aom innpi lamnading innmun honglei hi.
1967 kum in Hongkong ah Sen communist a deih leh british ukna adeih te kitawng in Hongkong khuahun pen bitlo hi.
Mipi ten zong Hongkong taisan ngeingai uh ahihmanin innmun logam man kiagawp hi. tuabek thamlo sengam in hongkong la ding cih thuthang om a hihman in innmun logam man kiatsuk beh laihi. Hih thu Li in ametla in innmun logam mantawm tak in tampi hong lei hi.
Tua hunlaitak mahin sengam ah mao tse-tung revolution hang in hongkong hongbel ngeingai kik uhhi. tuate lakah mihau lua tampa lo uhhi. Hih thu Li in ametla in mantawm tak a alei innmun te ah miten nang innsang pipi te honglam in, ki lei ziahziahhi. hih hang in Li in $ million tampi ngahhi.
1979 kum ciangin Hongkong ah british te neihsa Hutchison Whampoa company in amet ngahzonawnlo in omhi. tua company ih share 22% mantawm tak in hong lei leuleu hi. tua company in tembaw bawlna, port, innmun tampitak neihi. Li in hoihtak in makaih ahih manin kum10 khit ciang hongkong ah amet atam pen company ah kihel hi.
Tua bek thamlo in Li in amet ngahzo nawnlo company te, aki phut thak azian atawm company te leihi. 2007 in sumlut kician aneinailo Facebook ih stock share $ 120 million man honglei hi. Share tam amannailo Skype leh Apple te share zong $ million tampi man honglei hi. asawt lo in tua company te ih share man kah gawp a hih manin a man zuak kik leuleu a $ billion tampi hong metlawh leuleu hi. Li ih siamna in “nasepna khat tun amet angahloh hang asawtlo in metkik ding cih muthei, tuat thei hi.”
Li ih neihsa pen $ billion 30 bang pha a hih man in Asia ah ahau pen te lakah kihelhi. A hauh mahbang in piakkhiatna zong hatmahmah hi. 1980 kum in Li Ka Shing Foundation hong phut hi. ama neihsa seh thum suah seh khat tua foundation ah hong piakhia hi. Tua foundation in pilna lam khantoh nang university te ah library te lam nading, zatui zaha ading, nuntakna kikhuasak theih nading in $ billion tampi tak gamtuamtuam ah hongpia khia hi.
Li in khangno sumbawl te hi ci in hong vaikhak hi. “Nasep na khat hon ding pen baihlo hi. a hih hang in hanciam na pen kaam sang in thupi zaw hi. hanciamna omkeileh kaam zong ki ngahkhalo hi.”
kum 91 apha Asia ah ahaumahmah Li in atate nih tawh Hongkong ah om uhhi. azi a hih leh kum 56 aphak 1990 kum in nusia khin mah taleh zikik neise nawnlo hi.
Tanu pawl