Numeite leh cidamna
Ih pumpi sungah hormones te apongman nawn kei a leh
Numeite ih pumpi sungah hormones te apongman nawnkei a leh pen buaina nam tuamtuam ki tuak thei hi.
1. Ihlungsim kikhel manlang mahmah(nuam vat/dah vat thei)
Nin hong paimadeuh hunsung pen Homones kah zel, kiam zel a hih manin ihlungsim thuakdan zong ki khel vatvat thei hi.
2. Nin tam pai thei, Na thei
Adang pianzia te a hih leh gilna, zun suak pahpah, kawngna, sungkhak, nulehpa omkhawm leh na cih dan a om leh naubu ah sabawk bilbel om thei in, tua pen cancer hilo hi. estrogen hang a om hi in, innkuan guizui inzong om thei hi.
3. Sex lam tha nem
Estrogen leh Testosterone hormones te hang in nin kanmadeuh huh leh nin kan khithun ah sex lam tha nem theihi. Adang pianzia te a hih leh zan lam ciang khua ul nel suakin, thazawm, lungkia, lungpatau nate hang in zong sex lam hong nawngkai sak theihi.
4. Ihmu khimlo, ihmut cimlo
Nin kan madeuh leh nin kan khit nung ah naubu pan in estrogen leh progesterone hormones te tawm ta bek piakhia ta hi. Hih hormones te pen hong ihmu sak hormones te hi. estrogen hormones tawmta a hih manin zanlam ah khua ul nel suak in ki ihmu theilo a ih tha bei mahmah hi.
5. Ahang omlo pi in ih weight kah
Hormones hang in buaina a hi hypothyroidism, naubu lam natna, nin kangh cihte hangin zong ih gihna kia theihi.
6. Vun problems
Tangsiat bei theilo in hong tam mahmah leh pen estrogen leh progesterone kiamin, testosterone khangin naubu lamah natna om theihi. Tua mah bangin naupaai hunsung leh nin kangh hun in ih ci te thak thei a, nin kangh hun leh thyroid buaina hang in zong ih cisa te keu theihi.
7. Naupaaina problems
Numeite nauneihtheihlohna a hangte lakpan hormones ki kimlo, kiamzel, kahzel man zong hi in kum 35 val khin leh zong nau neih theihnang lampi tawmta hi.
8. Lutangna
Numei atamzaw te pen naupaai hun, nin neih hun, nin kangh hun te ah hormones ki khel a hih manin lutangna thei uhhi.
9. Guh leh tang thanem
Ninkanghma leh ninkangh ciang in estrogen kiam a hih manin guhletang thanem theihi.
10. Numei te van keu thei
Numeite a diakdiak in ninkangh ma hun leh nin kangh khit ciang in estrogen kiam a hih man in a van uh zong keu theihi. Naudalna za nekna, lungkiatlohna zatui nekna hang in zong hormones kikhel ahihmanin numeite van zong keu theihi.
Src: