Nausuahkhit ciangin numei khempeuh in natna atawm/atam ki thuak tek hi. Angeina a suak te pen Naupaikhiatna dungteng sidup, sing cihdan leh aki kek te khuina mun teng na thei hi. Ki-at a suak te hileh a ki khuina te na in gamtatdan nuamlo theihi.
Zato ah na om sung natna ciapteh dan pen 0 pan 10 in ki ciamteh hi. Anat vetkei a leh 0 in kiciamteh in a nat mahmah a leh 10 in kiciamteh hi.
Natna anoptuam na ding in natdawn te ki nethei, sun thei hi. Tua a hihman in anat na thuaklah a leh siamah te sam in.
Zatui dawn bek hilo in anoptuam na dingin khuina tungah tuikhal koih, khuina te anatloh nading in tu, lum cihdan zong ki hih theihi.
Suahkhit nungah Sipai, Na
Nau ih suahkhit ciang in zong Naubu pan in si leh thazangmal te salkhia lai a hih man in na thei hi. Hi dan pen Nau neih khit zawh kal 2 pan Kal 6 dong pai theilai hi.
Ih suahkhit a nimasa lam te ah si tam pai zaw in si te zong san sesa thei hi. Makeng tang cia sikhal zong pai thei hi. Hih sang a lianzaw hong pai a, naikhat sung in na sungten a laih kul leh Siavuan te thei sak in.
Suahzawh kal nihna pan si pai zong tawm zaw in si zong asan sesa pan Pink (or) brown color hong kilaih thei hi.
Si tawm ta bek hong pai khit nungah tampi in hongpai kik (or) sikhal hong pai a leh tawlngak ding ki sam cihnopna hi. Tua ahih manin tanggawh lua nai ken la tawlnga hithiat lai in.
Nausuah khit nungah Naubu in nasem lai a hih man in gilpi leh zunthakna kimteng a nat pen a ngeina mah hi. Hidan a nat pen suah zawh ni 2, ni3 kiim ah na thei in ta nihna a hih kei leh ta 3na te in thuakpha deuh uhhi.
Nausuah zawh ciang natna a noptuam na dingin hih a nuaia te zui in.
* Nau nu’ nawi tep sak pahpah ding
* Nakdan excercise bawl ding
* Suahzawh asawtlua lo in lam paikhia ding
* Zun tha pahpah ding
* Natdawn zong ki ne thei hi.
လေပြေနုသွေး (ဆေး-၂)
Ref: Dr Myanmar